"නිල්දිය පොකුණේ රහස් සොයා "
රාවණ රජු විසින් සීතා දේවිය රැගෙන විත් සගවා තබුවේ යයි ජනප්රවාදයේ සදහන් "නිල්දිය පොකුණ "
මිනිස් වාසයකට පහසුවෙන් ගමන්කල නොහැකි අයුරින් අතිශයින්ම සුරක්ශිත අයුරින් සැදුම්ලත් මෙය අති විශාල සභා ශාලා දෙකකින් යුතු අතර අවසාන බැස්මේ ප්රතිපලය ලෙසින් නිල්දිය පොකුණ හමුවේ ..කවුරුන් කෙසේ නිර්මාණය කරන්නට ඇත්දැයි නිශ්චිත සාධක හමු නොවුනත් මෙම නිර්මාණය ස්වභාව ධර්මයාගේ හෝ එසේත් නැත් නම් කිසියම් සුරක්ශිත අවශ්යතාවයක් වෙනුවෙන් නිර්මාණය කරන ලද්දක් දැයි අදහාගත නොහකි අන්දමේ අති විශිශ්ට නිමැවුමකි.
ජනප්රවාදයේ සදහන් වන පරිදි රාවණ රජු විසින් සීතා කුමරිය රැගෙනවිත් සගවා තැබුවා නම් මේ තරම් සුරක්ශිත මෙන් ම කුමරියකට ලැබිය යුතු සුකෝපබෝගී ම ස්තානය මෙය වනු නොවනුමානය...
මෙම ගුහාවට යම් කෙනෙකු ගමන් කරන්නේ නම් එය සුන්දර ගමනක් නම් නොවේ.. එක් පුත්ගලයෙකුට පමණක් ඇතුළු විය හැකි මට්ටමේ කුඩා විවරයකින් බැස්මක් සහිත ගුහාවකට ඇතුලු වී; කඹයක් ආධාරයෙන් සැලකිය යුතු දුරක් බැසීමෙන් අනතුරුව කුඩා සිදුරු ගල් බිත්ති සහ ලෙස්සා යා හැකි මැටි පොළෝ තීරය මතින් සැලකිය යුතු දුරක් ගමන්කල යුතුය. ආලෝකය බිදක් හෝ නොවැටෙනා පරිසරය කෙදිනක හෝ ආලෝකවත්ව පැවතුනා නම් ආලෝක පන්දම් බාවිතා කරන්නට ඇත. යන්තමින් හෝ පය ලෙස්සා ගියා නම් කුමක් සිදුවේ දැයි සිතාගනීමට වත් අපහසු දුශ්කර ගමනක් බව නම් අනිවාර්යෙන්ම කිව යුතුය.
මේ සියල්ල අවසානයෙ අප ළගාවූ ස්තානය නම් පොලෝ කුහරය තුළ නිර්මිත කර අති අපූර්වතම නිමවුමක් ම වන්නේ ය.. දිගින් මීටර් 100ක් පමණ වූත් උසින් හා පළලින් මීටර් 50 ක් පමණ වූත් අති විශාල සභා ශාලා දෙකක් හමුවේ .. රාජ සභාවක් උව පහසුවෙන් පවත්වාගෙන යා හැකි අති විශාල ශාලා ද්විත්වයක් වන එය සිවිලිමින් සරසණ ලද අලංකාර කැටයමින් යුත් නූතන දේශන ශාලාවකට සමානකම් කියයි..
ගුහාවේ පහළම කොටසේ ඇත්තේ නීල වර්ණ වූ මනස්කාන්ත පොකුණකි. මෙය "නිල් දිය පොකුණ " ලෙසින් හදුන්වනු ලබේ. ජායාරූපය තුළින් කුඩා ලෙසින් පෙනුනද මෙය විශාල ගැබුරකින් යුතු සුවිශාල පොකුණකි.
කෙනෙකු බියට පත් කිරීමේ අදහසක් නොවූවද කෙනෙකුට මෙහි ගමන් කිරීම අනුමත නොකරන අන්දමේ ගමනක් බව නම් අනිවාරයෙන් ම කිව යුතුමය.
video link👇
https://www.youtube.com/c/BMKTravel
