"තරු පිපෙන ඒ අහස - මහ රෑට ලස්සනයි"

👇
https://www.youtube.com/c/BMKTravel

...
නාගරික ජන ජීවිතයේ බිත්ති සතරට සිරවී සිටින ඔබ නිරන්තරයෙන් ම හුදකලා පාරසරික වෙනසක් අපේක්ෂා කරනු නොවනුමානය. හුදකලාව ජීවිතයේ අපූර්වත ම සිතුවිළි අවදි කරවයි. එදිනෙදා ජීවිතයේ සියළු අවශ්යරතා අතට හසුවන මානයේ ජීවත් වන අප සැබෑ ජන ජීවිතයේ පතුල බැලීමට ඇත්තේ කුතුහලයකි. “බත්තලන්ගුන්ඩුව” දූපත පිළිබදව ඔබේ අවදානය යොමුකරලන්නේ එහෙයිනි.
බත්තලන්ගුන්ඩුව යනු ලංකාවේ වයඹදිග මුහුදු තීරයේ පිහිටා ඇති, කි.මී 8ක පමණ වපසරියකින් යුත් දූපතකි. කි.මී 2ක පමණ භුමි ප්ර දේශයක පවුල් සියයකට ආසන්න ප්ර මාණයක් ජිවත් වන , අන් සියළු භූමි ප්ර‍දේශයන් තුළ කිසිදු ගහක් හෝ නොවැඩුණු හුදකලා වැලි ස්තරයකින් සැදුම්ලත් අපූර්වතම පාරසරික පද්දතියකි. සිංහල - දමිළ ජාතීන් දෙපිරිසම සහයෝගී ලෙස ධීවර කර්මාන්තය සිය මුළික ජීවනෝපාය කරගනිමින් ජීවත්වන දූපත්වාසීන්ගෙන් බහුතරය කිතුණු භක්තිකයන් වේ.
බත්තලන්ගුන්ඩුව දූපත වෙත එක් වරක් හෝ යා යුත්තේ ඇයි දැයි ඔබට සිතෙනු ඇත. යම් දිනක ඔබ ඔබේ සිතිවිළි හුදකලා බිම්කඩක අතරමං කර තිබේ ද? ගිනියම් වූ ජීවන චක්ර යක පැටලී සිටින අපට; මානසිකව පීඩාවිදින සිතිවිළි පසෙකින් තබා , අනන්ත වූ ආකාශය දෙස බලා රැයක් පහන්කරන්නට ඇත් නම් ... කොයි තරම් අග්නේ ද? එය ලෞකික ජීවිතයක් හිමි ඔබේත් මගේත් සිතෙහි ඇති අපේක්ෂාවක් නොවන්නේද? එසේ නම් හුදකලා පාරසරික වෙනසක් අපේක්ෂා කරන ඔබ යා යුතු නිවැරදි ම තැන් අතරින් එකක් බවට “බත්තලන්ගුන්ඩුව” පෙරමුණේ සිටී.
ඔබ බත්තලන්ගුන්ඩුව වෙත යෑමට අදහස් කරන්නේ නම් උදැසන 7.30 පමණ වනවිට වත් කල්පිටිය නගරය වෙත ළගාවිය යුතුය. කල්පිටිය ජැටියෙන් පොදු මගී ප්රයවාහන බෝට්ටුව පිටත් වනුයේ උදෑසන 8.30ට පමණය. නමුත් ඊට ප්රරථම සිදුකලයුතු කාර්යයන් කිහිපයක් ම ඇති නිසාවෙන් කල් වෙලා ඇතිව කල්පිටිය නගරය වෙත පැමිණ සිටීම සුදුසු වේ.. දූපත තුළ පිරිසිදු ජලය සොයාගැනීම අපහසු නිසාවෙන් ගමනට ප්රාමාණවත් තරම් ජලය රැගෙන යායුතුය. ඊට අමතරව ප්ර මාණවත් තරම් ආහාර ද්රමව්ය ය මෙන්ම ප්රසථමාධාර කට්ටලයක් වුව රැගෙන යන්නේ නම් අගනේය.. දූපත තුළ කඩ කිහිපයක් ඇතිමුත් ප්රකවාහන දුෂ්කරතා හේතුවෙන් එහි මිලගණන් තරමක් ඉහළ බවකින් යුක්තය.

බත්තලන්ගුන්ඩුව බලා යන බෝට්ටුවට නැගීමට ප්ර.ථම එහි ගමන්ගන්නා සියල්ලන්ගේම තොරතුරු ජැටියේ සිටින නාවික හමුදා නිලධාරි මහතා වෙත ලබාදීම අනිවාර්ය වේ. ආරක්ෂාක හේතුන් මත සහ හදිසි අපදා තත්වයක් ඇතිවුවහොත් යන කරනා ද්විත්වය මත මෙය සිදුකරන බව එම නිලධාරී මහතා දිනක් අපහට පැවසූ බව මතකය..
මෙය පැය දෙකක හෝ තුනක පමණ මුහුදු ගමනකි. කල්පිටිය කලපුව ඔස්සේ විල්පත්තු වන පියස දිස්වන මායිමෙන් යන මේ ගමන අපූර්ව අද්දැකීමක් බව නම් කිවයුතුමය.. කුඩා දූපත් පසුකරමින් සෙමෙන් ඈතට ඇදීයන බෝට්ටු ගමනේ දී දිනක් මට හමුවූ වයස අවුරුදු 18ක 20ක පමණ වයසේ පසුවෙතැයි සිතිය හැකි මට්ටමේ තරුණයෙකු සමග යෙදුණු කතාබහක් මගේ මතකය අවදි කරයි.
“මල්ලි ඇයි බත්තලන්ගුන්ඩු යන්නේ” මම නිකමට මෙන් ඔහුගෙන් ඇසීමි.
“ රස්සාවේ යනවා”
එය මට තරමක් නුහුරු පිළිතුරක් වූ නිසාවෙන් “රස්සාවේ යනවා කියන්නේ” යැයි අසා ඔහුගෙන් පිළිතුරක් අපේක්ෂා කලෙමි.
“රස්සාවේ යනවා කියන්නේ මූදු රස්සාවේ යනවා , මාළු අල්ලන්ඩ. “
“ඉතිං මල්ලි මේ රස්සාව කොහොමද? හොදයි ද?” මම නැවතත් ඔහුගෙන් ඇසුවෙමි.
“පොඩ්ඩක් අව්වේ ඉන්ඩ උනාට මූදු රස්සාව තරම් හම්බකරන්ඩ බෑ වෙන මොකකින් වත්. දැන් අයියලාගේ පඩිය කීයද ... බොරුවටනේ අයියලා කොළබ රස්සා වලට යන්නේ. මාසයක් වැඩ කරලත් විසිදාහයි - තිස්දාහයි. අපි එක දවසට ඒ ගාන හොයන දවස් තියෙනවා . ඩිංගි බෝට්ටුවකට එහෙම සෙට් උනොත් ලක්ෂ දෙක තුනෙන් එහා මිසක් අඩු නෑ. ඔයාල කොළබ ඉදලා මාසයක් හම්බකොරනවට වඩා මූදු රස්සාව කොච්චර හොදද.. “
ඒ නාගරික ජන ජීවිතය පිළිබද ඔහුගේ ආකල්පයයි. ජීවිතය යනු මුදල් ම නොවනවග මා දනිතත් ඒ පිළිබදව ඔහු සමග තර්ක කිරීම නිෂ්ඵල ක්රිනයාවක් ලෙස හැගුණු නිසාවෙන් ඔහුගේ වචන වලට පිළිතුරු සැපයීමට නොගියෙමි.. බත්තලන්ගුන්ඩුව චාරිකාව තුළ මෙවර මා සම්බන්ද වූයේ "සරිසරන්නෝ" සමූහජාල එකතුව සමගිනි. ඔවුන් මෙම ගමනට මා හට විශාල සහයෝගයක් වූ බව අමතක කලයුතු නොවේ.
...

දූපත අභ්යින්තරය තුළ කිසිදු ප්රහවාහන පද්දතියක් නොමැත . කුඩා පොලීසියක්, නාවික හමුදා කදවුරක් සහ පාසලක් දූපත තුළ තිබුණද පාසැල තුළ ඉගැන්වීම් ක්රිකයාවලිය නිසි අයුරින් ක්රි යාත්මක නොවන දූපත් වාසීන්ගෙන් දැනගන්නට ලැබුණි. දූපත තුළ පිහිටි නාවික හමුදා කදවුර එහි යන සංචාරකයන්ගේ ඕනෑම හදිසි අවශ්යපතාවයකදී පිහිටක් ලබාගත හැකි වැදගත්ම ආයතනයයි. නාවික හමුදා කදවුර සතුව නවීන යාත්රාක පවා ඇති බැවින් ආරක්ෂානව සම්බන්දයෙන් හෝ හදිසි ආපදාවකදී වුව කිසිදු බියක් ඇතිකර ගැනීමට අවශ්ය ය නැති බව කිව හැකිය.
දූපත තුළ දවස ගතකරන්නෙකුට දවසේ අකර්ෂණීය ම කාලය සැදෑ කාලයයි. අවර හිරු වළාවන් සමග මුසුවී නගන රත් පැහැය; මම අන් කවර තැනකටත් වඩා අලංකාරව “බත්තලන්ගුන්ඩුව” තුළ දුටුවෙමි. හුදකලා පරිසරයේ රෑන්පිටින් පියබායන පක්ෂිග නාදයන් හැරුණුකොට එහි ඇත්තේ අප නාගරික ජීවිතය තුළ කිසි දිනක නොවිදි නිස්කලංක බවකි. විඩාබර දවසක නිමාව තව තවත් අර්ථවත් ලෙස විදින්නට නම් දූපත තුළ රාත්රිියක් ගතකළ යුතුමය . වෙරළ අද්දර කූඩාරමක් අටවා රාත්රීත සිසිලස ගිනිමැලයකින් උණුසුම් කරලමින්; ඉමක් නොපෙනෙන තාරකා රාශීන් දෙසැ බලා සිටින්නට සුදුසු ම ඉසව්ව මෙය බව අවිවාදයෙන් ම කිව හැකිය.
දකින්නට ඇත්තේ අප ගොඩනගාගත් චිත්තසන්තානය පමණි. කෙදිනක හෝ අප අනාගතය වෙත රැගෙන යන්නේ අප ලබාගත් අද්දැකීම් වල මතකයන් පමණි. රුදුරු සමාජතලයක ජීවත්වන ඔබ; හුදකලා පාරසරික වෙනසක් සමග ඒකාත්මික වනු කැමති නම් “බත්තලන්ගුන්ඩුව” ඔබ එනතුරු බලා සිටී..